InicioEconomíaSegue "o maltrato" aos usuarios do tren, con supresións e retrasos de...

Segue “o maltrato” aos usuarios do tren, con supresións e retrasos de 70 minutos

A plataforma polo ferrocarril pregúntase "por que non se intervén" nunha liña que rexistra "o 30% das incidencias ferroviarias do Estado"

Publicada o

- Advertisement -

A plataforma Pola Defensa do Ferrocarril Ferrol-Ribadeo denuncia que continúa “o maltrato” aos usuarios do servizo, con varias supresións e retrasos ao longo da última semana.

O colectivo denuncia que o pasado sábado suprimíronse os servizos matinais Ribadeo-Ferrol e Oviedo-Ferrol.

O domingo, segundo apunta a agrupación, as liñas Oviedo-Ferrol e o Ferrol-Ribadeo circularon “con 50 minutos de retraso, ata que foron definitivamente suprimidas”.

O pasado luns, os servizos matinais de media distancia desde Xuvia ata Pravia non saíron e debeuse ofrecer aos usuarios un transporte alternativo.

Finalmente, este martes, a liña Ferrol-Oviedo funcionou cunha dilación de 68 minutos, segundo indica a plataforma.

“TÁCTICA DO CANSAZO”

O colectivo asegura que existe “un pacto de silencio” entre “o Ministerio de Fomento, estea á fronte o PP ou o PSOE, e a Xunta de Galicia para usar a táctica do cansanzo para os veciños destas comarcas, que teñen que buscarse a vida e abandonar este tren”.

ESTUDANTES E OBREIROS AFECTADOS

A plataforma na defensa do ferrocarril do norte de Galicia asegura coñecer “casos de estudantes que perderon a avaliación en materias por retrasos e de traballadores que deixaron os seus empregos por imposibilidade de trasladarse”.

“Quen pode xogarse non chegar a tempo a unha cita médica con este servizo”, cuestiona a agrupación.

A agrupación resalta que a liña Ferrol-Oviedo rexistra o 30% das incidencias ferroviarias no Estado e pregúntase “por que non se fai nada para remedialo”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...