O persoal de Alcoa Cervo votará este martes 28 de decembro en referendo a proposta da empresa de cesamento temporal da planta de aluminio.

A votación emitirase en sobre pechado en urna, en horario de 5,00 a 23,00 horas e poderá pronunciarse todo o persoal das factorías de aluminio e alúmina, así como ETT con contrato vixente.

A empresa pretende ese parón ata 2024 e, ademais, contempla un investimento de 90 millóns de euros na factoría de San Cibrao. É a última oferta que realizou e que non acaba de convencer ao comité de empresa.