Xa se coñecen os números gañadores da XI Festa do Comercio de Acisa. O sorteo tivo lugar nas oficinas da asociación esta mesma mañá e, tal e como se anunciou, foi emitido a través das redes sociais da asociación.

O xerente de Acisa, Jesús Pérez, interveu ao comezo do sorteo dirixíndose á cidadanía cunha mensaxe clara: “todos sabemos que o ano que vivimos non foi fácil, por iso quixese resumir a miña intervención simplemente dando as grazas. En primeiro lugar aos nosos socios, a día de hoxe 160 comercios, bares, restaurantes, hoteis e servizos. En resumo, autónomos, que seguen confiando no noso traballo, que con acertos e erros tentamos sacar a diante día a día. Grazas por non renderse, grazas por resistir. Quédannos semanas e meses incertos, pero disto tamén sairemos e farémolo como ata o de agora. Grazas aos nosos veciños e visitantes, de Ribadeo, o do bar da esquina, o da tenda de á beira, o do cuarto, o de Tapia, de Foz, de Navia, de Viveiro, de Coruña, de Xixón, de Lugo ou de Oviedo”.

E engadiu: “grazas ás administracións polas colaboracións e axudas que en Acisa recibimos para poder sacar adiante grandes campañas e accións que nos serviron para dinamizar Ribadeo neste ano e lembrar os logros alcanzados, en especial o áccesit dos premios de comercio interior. Grazas ás axudas como as do Concello de Ribadeo puidemos facer e sacar adiante campañas tan importantes como a renovación da sinalización comercial e turística, ou poñer en valor a marca de Acisa Ribadeo,Porta do Camiño Norte, a campaña de nadal ou a entrega de materiais gratuítos”.

Tamén quixo destacar “o asesoramento continuo e ampliado a socios que se fai desde Acisa, e os logros obtidos, como foron as ampliacións de terrazas, a exención de impostos, etc… e as campañas das diferentes administracións”. Pérez Prada finalizou a súa intervención agradecendo o traballo da xunta directiva e a confianza depositada nel.

Os números afortunados no sorteo da XI Festa do Comercio de Acisa son os seguintes:

Premio 2.000 € – Rifa Nº 199.626 – Entregado en Bar Queimada

1º Premio de 500€ – Rifa Nº 117.540 – Entregado en Menfer

2º Premio de 500 € – Rifa Nº 81.526 – Entregado en Bar Galicia

1º Premio de 250 € – Rifa Nº 173.780 – Entregado en casa Fandín

2º Premio de 250 € – Rifa Nº 98.237 – Entregado en Bar Cienfuegos

1º Premio de 100 € – Rifa Nº 138.331 – Entregado en Xardineo

2º Premio de 100 € – Rifa Nº 198.541 – Entregado en Farmacia Álvarez Lebredo

3º Premio de 100 € – Rifa Nº 50.234 – Entregado en Peite

4º Premio de 100 € – Rifa Nº 81.790 – Entregado en Bar Galicia

5º Premio de 100 € – Rifa Nº 71.567 – Entregado en Asador A Quinta

O xerente de Acisa lembrou que “os premiados teñen ata o día 21 de xaneiro para reclamar o seu premio nas oficinas de Acisa Ribadeo, que están situadas na rúa San Roque, 57- baixo, de luns a venres de 09:30 a 14:30 ou poñéndose en contacto no numero 982 120 565 ou o 672 24 82 26 ou info@acisaribadeo.es. Pasada esa data xa non se poderán reclamar os premios. Animamos a todo o mundo a que recompile as súas rifas, compróbeas con detemento e se a súa papeleta é unha das afortunadas a que se acheguen polas nosas instalacións para recoller o seu premio. Recomendamos a toda a cidadanía que, aínda que non comprasen nos lugares onde figuran como entregados os premios, revisen igual as súas rifas xa que puido haber intercambios entre negocios ou incidencias no control de entrega, debido ao volume das mesmas, xa que se repartiron 200.000 papeletas”.

Os números agraciados pódense consultar desde hoxe e durante varios días nas redes e en web de Acisa Ribadeo e o sorteo pódese ver en https://www.facebook.com/acisaribadeo/videos/696464901343460/