A empresa madrileña Sanjuán Abad comprou Autobuses Viveiro-Otero S.L. A nova propiedade, con sede en Boadilla del Monte pero con capital galego, fíxose coa totalidade dos autobuses e as súas respectivas rutas.

O seu ata agora propietario, Domingo Otero, indicou que se trata dunha venda “normal”, pero evitou outros detalles. Ademais, confirmou que “todos os empregados que queiran, poderán seguir traballando na empresa” –preto de 30–, posto que se adquiriu a sociedade ao completo.

Os histórica Autobuses Viveiro-Otero S.L. iniciou a súa actividade en 1928 e agora realiza rutas regulares polos concellos de Viveiro, Xove, O Vicedo, Ourol e Mondoñedo.

Domingo Otero sinalou que prefire non detallar as razóns polas que cedeu na venda e mesmo se mostrou molesto polo “interese” xerado respecto  destas cuestións. A oferta expúxose en 2021.