InicioEconomíaO PSOE de Lugo sinala que se A Mariña fose Vigo, a...

O PSOE de Lugo sinala que se A Mariña fose Vigo, a Xunta “moveríase para que Altri se instalase”

A secretaria saínte do PSOE provincial de Lugo, Patricia Otero, puntualizou que "Núñez Feijóo non dedicou nin un só segundo da súa visita electoral para explicar cales son os seus proxectos para a comarca da Mariña, ou do que pensa facer a Xunta por Alcoa".

Publicada o

- Advertisement -

A secretaria saínte do PSOE provincial de Lugo, Patricia Otero, asegurou que “se a Mariña fose Vigo”, o Goberno de Feijóo “moveríase para que Altri se instalase”.

Nun comunicado remitido aos medios, a tamén deputada autonómica sostivo que Feijóo visitou a Mariña “só para facer traballo de partido e, de paso, aproveitou para tentar manipular e enganar aos traballadores de Alcoa e de toda a comarca”.

Tras a visita de Feijóo para clausurar o Congreso do PP de Burela, Patricia Otero asegurou que o presidente “demostrou que pon á Xunta ao servizo dos intereses do PP, tentando confundir e mentir cun descaro que desmenten os seus ínfulas moderadas”.

“Nin o Goberno de Feijóo nin a Xunta moveron un só dedo para salvar a Alcoa e, agora, cando temos por diante dous anos para conseguilo, a única preocupación de Feijóo é cargar toda a responsabilidade ao Goberno do Estado, e non respectar a decisión maioritaria dos traballadores”, afirmou.

A dirixente socialista puntualizou que “Núñez Feijóo non dedicou nin un só segundo da súa visita electoral para explicar cales son os seus proxectos para a comarca da Mariña, ou do que pensa facer a Xunta por Alcoa”.

Por iso, sinalou que é necesario lembrar, “unha vez máis, que a Xunta de Galicia, a pesar de ter competencias exclusivas en materia de industria, non fai absolutamente nada para asumir a corresponsabilidade do futuro dos traballadores de Alcoa”. “E coa súa mensaxe de infundir medo nos veciños da Mariña, busca un enfrontamento entre galegos”, remarcou.

Por último, emprazou a Feijóo a que “faga uso da súa responsabilidade” como presidente da Xunta para impulsar a instalación da empresa Altri na comarca como, segundo indicou, “xa solicitou tamén o presidente da mancomunidade, Francisco Cajoto, sen que a día de hoxe se dignase a contestarlle”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...