InicioEconomíaEndesa subministrará enerxía a Alcoa cando arrinquen as cubas, en 2024

Endesa subministrará enerxía a Alcoa cando arrinquen as cubas, en 2024

Enel Green Power España (EGPE), filial de Endesa, xerará máis de 900 megawatts (MW) de nova capacidade renovable.

Publicada o

- Advertisement -

A compañía enerxética Endesa e Alcoa asinaron un preacordo de subministración de enerxía 100% renovable durante 10 anos para a planta de aluminio primario de Alcoa en San Cibrao, o que suporá un abastecemento de ata 1.349 xigavatios hora (GWh) por cada ano, segundo informaron nun comunicado.

Endesa asumirá este preacordo a través de proxectos de enerxía eólica que a filial renovable da compañía, Enel Green Power España (EGPE), está a tramitar en Galicia e que xerarán máis de 900 megawatts (MW) de nova capacidade renovable, xunto a 60 novos empregos para a operación e mantemento das instalacións.

Ademais, o preacordo ofrece unha tarifa estable e a subministración comezará en 2024, data na que Alcoa reiniciará a súa produción e arrincará as cubas de electrolise despois de dous anos paradas. Unha estratexia que se enmarca dentro do plan de Alcoa para reactivar a produción de aluminio primario nesta comarca.

O director xeral de comercialización de Endesa, Javier Uriarte, sinalou que os contratos a longo prazo convertéronse en “unha ferramenta fundamental” para mitigar riscos vinculados aos prezos e dar estabilidade a longo prazo na cobertura das necesidades enerxéticas dos clientes.

Así mesmo, Uriarte engadiu que o preacordo asinado con Alcoa reafirma a aposta de ambas as compañías por “a sustentabilidade e polo desenvolvemento socioecónomico de Galicia”, unha Comunidade na que Endesa está moi presente. De feito, a enerxética dispón actualmente de 565 megawatts instalados en Galicia repartidos entre 23 parques eólicos, cuxa produción o ano pasado sumou 1.386 GWh.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...