InicioEconomíaCando San Gonzalo derrotou aos viquingos e deu nome a un mel

Cando San Gonzalo derrotou aos viquingos e deu nome a un mel

Publicada o

- Advertisement -

Mel San Gonzalo. Con este nome comercializa un veciño da parroquia focense de San Martiño, Antonio Pacio, mel da súa colleita que leva o nome dun dos grandes homes santos da Mariña, e que sengundo a lenda, consegiu vencer a unha flota viquinga. Precisamente, este luns recibiu a visita do alcalde de Foz, Fran Cajoto, e do concelleiro de Turismo e Comercio, Chema Linares.

O edil de Turismo destacou que os envases levan na etiqueta a imaxe da Basílica de San Martiñ, “o que supón outra vía de promoción desta catedral”. “Hai que apostar polos produtos de proximidade coma este, un mel que debería estar en todas as nosas mesas e nos establecementos hostaleiros polas boas propiedades que se lle atribúen. Desexámoslle moita sorte a este produtor focense”, engadiu.

O alcalde de Foz con Antonio Pacio, productor do mel San Gonzalo / remitida

Antonio Pacio apuntou que está na Asociación Galega de Apicultura e, como pequeno produtor, pode vender por proximidade. “É un mel natural cen por cen e a etiqueta que poñemos nos envases serve para promocionar este mel da terra e tamén San Martiño”, engadiu. Agora ten 15 colmeas nunha finca que preparou durante o confinamento pola pandemia. “Teño previsto esmelgar dentro dun mes ou un pouco antes, depende do tempo; calculo que a produción deste ano será duns 200 quilos aproximadamente”, concluíu.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...