A Asociación de Profesores Técnicos e de Ensino Secundario de Automoción de Galicia (APAGA) anunciou a chegada de dous profesores de Turquía visitarán A Mariña durante dez días no próximo mes de outubro. Ademais APAGA busca crear unha rede europea de formación de aprendices e poñerá en marcha acciones en países de África, América Latina e Asia.
O presidente do colectivo, Álvaro Doural, explica que “ten activos tres proxectos de mobilidade para alumnos de grao medio e FP Básica, formadores e técnicos de empresas”.
Álvaro Doural destaca que “outro labor que está a realizar a asociación é dar a coñecer a nosa comarca e en outubro dous profesores de Turquía estarán connosco dez días visitando empresas, institucións educativas e zonas de interese cultural”.
O presidente de APAGA tamén anuncia que “a finais de outubro a asociación contará cunha rede europea sobre formación de aprendices, composta por empresas e entidades educativas e creada mediante o proxecto de boas prácticas sobre a formación de aprendices” . APAGA poñerá en marcha acciones noutros continentes, como África, América latina e Asia mediante o seu programa de mobilidade.