Volve “Coñece a túa provincia” da Deputación de Lugo con novas rutas pola Mariña

'Coñece a túa provincia' inclúe o transporte para os traslados de ida e volta desde o lugar de orixe, unha póliza de seguro de viaxeiros, a comida e as entradas e visitas aos puntos de interese. Ademais, indicaron que "as visitas as realizan profesionais que teñen habilitación de guía oficial de turismo de Galicia".


A Deputación de Lugo retoma o programa ‘Coñece a túa provincia’ co que, desde este martes e ata o venres, 180 veciños dos municipios de Lugo, O Incio, O Páramo, Chantada, Castro de Rei e As Nogais percorrerán, nesta ocasión, A Mariña de forma gratuíta.

Esta é a segunda edición do programa, que empezou esta primavera, e, segundo a institución, “xa se beneficiaron máis de 2.000 persoas”. A Deputación indicou nun comunicado que este outono son 55 as asociacións e colectivos sen ánimo de lucro “que contan con reservas para viaxar pola provincia ata o mes de novembro”.

A asociación veciñal San Amaro de Barbaín, do Incio, e a Asociación de Comerciantes e Industriais da Milagrosa (Lugo) foron as primeiras en realizar a súa viaxe á Mariña este martes. Nesta edición tamén van participar outras como a Asociación Parroquial de Veciños San Xoan da Laxe ou a Asociación de Veciños O Cadaval, de Castro de Rei.

‘Coñece a túa provincia’ inclúe o transporte para os traslados de ida e volta desde o lugar de orixe, unha póliza de seguro de viaxeiros, a comida e as entradas e visitas aos puntos de interese. Ademais, indicaron que “as visitas as realizan profesionais que teñen habilitación de guía oficial de turismo de Galicia”.

ACONDICIONAMENTO DA SEDE

Noutra orde de asuntos, a Deputación lucense acomete traballos de reparación e acondicionamento da fachada da sede da institución provincial, o Pazo de San Marcos. As tarefas, adxudicadas en 150.000 euros, consisten na limpeza das paredes, o saneamento de fisuras e gretas, a eliminación de humidades e de filtracións de auga e o pintado.

Este proxecto tamén contempla a colocación na fachada dunhas letras en aceiro pintado co texto ‘Deputación Provincial de Lugo’. Así mesmo, realizaranse traballos de reparación na pintura de salón de plenos

RESPOSTAR

Please enter your comment!
Please enter your name here