O comité de empresa de Alcoa Cervo foi convocado a reunións este xoves 15 coa empresa e o xoves 22 co Ministerio, para abordar a situación da factoría da Mariña.
En concreto, o encontro deste xoves 15, convocado para as 11.30 horas en Madrid, ten por obxectivo informar da situación da planta de alúmina.
Pola súa banda, a cita do xoves 22 será tamén en Madrid, ás 12.00 horas, e constituirá a décima reunión de seguimento xunto ao Ministerio de Industria do acordo alcanzado a finais de pasado ano, que supuxo a paralización da actividade e o compromiso de rearranque en 2024.
Precisamente, o comité indica que segue “pendente” da convocatoria por parte da multinacional para a terceira reunión de modificación do acordo, despois das negociacións en León a comezos deste mes.
