O Partido Popular (PP) de Ribadeo faise eco de denuncias veciñais pola presenza do cadáver dun cetáceo que, segundo afirman os populares, leva morto unha semana na zona do porto sen que o goberno local fixese nada para retiralo.
O edil dos PP en Ribadeo, Juan Estévez, quéixase da demora en retirar o cadáver en descomposición. Asegura que “o goberno municipal foi advertido desta circunstancia polo grupo municipal popular e non fixo nada para retiralo, simplemente limítase a dicir que xa activou o protocolo. Non entendemos que sacar unha mostra para a súa análise e posterior retirada pola parte do Concello de Ribadeo sexa tan difícil. O cetáceo segue onde estaba e dá un cheiro moi molesto”.
ESTRADA DO CÁMPING
O concelleiro do partido conservador engade que “o goberno local quéixase doutras administracións, pero non fai nada na súa casa para corrixir situacións como a da estrada do cámping e a da ponte de Rinlo, que se atopan nun estado lamentable. Esperamos coherencia do Concello”, afirma.
