O incendio de Alfoz, parroquia de Lagoa, está estabilizado, con 90 hectáreas queimadas. Iniciouse ás 16,29 h. deste pasado mércores.

O incendio de Viveiro, parroquia de Vieiro, iniciouse ás 13,43 h. o medio día do pasado 29 de marzo. A Xunta informa que o lume está estabilizado desde as 22:44 do 29 de marzo. Segundo as últimas estimacións afecta 80 hectáreas.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.