Os incendios de Alfoz e Viveiro déronse por extinguidos durante a mañá deste sábado, segundo informou a Consellería de Medio Rural nas súas redes sociais. Finalmente, o lume orixinado na parroquia da Lagoa, de Alfoz, afectou a unhas 130 hectáreas arboredos, mentres que o ocorrido en Vieiro, en Viveiro, queimou 108 hectáreas arboredos e dúas rasas.

O lume de Alfoz iniciouse na parroquia de Lagoa, onde traballaron dous técnicos, 17 axentes, 13 brigadas, sete motobombas, unhas pas e un helicóptero. Nas tarefas para apagar o incendio de Viveiro, declarado na parroquia de Vieiro, participaron dous técnicos, 14 axentes, 12 brigadas, seis motobombas e dúas pas.