InicioM.ambiente e PatrimonioDemandan ao Concello de Tapia por autorizar sondeos na mina de Salave

Demandan ao Concello de Tapia por autorizar sondeos na mina de Salave

Oro No sostén que o goberno local prorrogou irregularmente a licenza á mineira Black Dragon Gold

Publicada o

- Advertisement -

A Plataforma Oro No confirmou a admisión a trámite da demanda xudicial que presentou contra o Ayuntamiento de Tapia de Casariego pola prórroga da licenza concedida á mineira Black Dragon Gold –antiga Astur Gold– para os últimos sondeos no entorno dos lagos de Silva, en Salave.

O colectivo considera que a autorización se concedeu indebidamente “catro anos despois de que se abandonasen as obras por decisión unilateral de Astur Gold, coincidindo coa chegada de novos accionistas á empresa”.

A asociación argumenta que, para retomar os sondeos, a compañía “debe pedir unha nova autorización municipal conforme á normativa aplicable”, xa que “non houbo ningunha paralización nin motivo de forza maior que evitara a execución dos sondeos” no seu momento.

A alcaldía permitiu as prospeccións o pasado 28 de decembro

Oro No engade nun comunicado que a agrupación “viuse na obriga de impugnar a resolución tras advertir das irregularidades ao Concello de Tapia, sen obter unha resposta satisfactoria”.

O consistorio autorizou a reanudación das prospeccións o pasado 28 de decembro. A empresa mineira, con base en Canadá, anunciara no verán a súa decisión de elaborar un novo proxecto para explotar o xacemento de ouro, ao que atribúe un valor de máis de mil millóns de euros.

ADMITIDA A TRÁMITE

Oro No sinala que a súa denuncia foi admitida a trámite polo Juzgado Contencioso Administrativo Nº 3 de Oviedo, que reclamou ao Concello o expediente coa resolución que autorizou a reanudación dos sondeos.

O colectivo, que encabeza a oposición vecinal á explotación mineira desde as movilizacións do 2012, reafírmase na súa intención de exercer todas as accións xudiciais para impedir que os proxectos mineiros de Tapia de Casariego se leven a cabo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...