O Concello de Viveiro tramitou 125 expedientes esixindo a particulares o cumprimento da lei contra incendios forestais.
Segundo os datos facilitados polo goberno municipal, en 2018, iniciáronse 50 expedientes requerindo o desbroce e a retirada de especies pirófitas en parcelas situadas en solo rústico e outros 70 en núcleos e solo urbán.
46 expedientes continúan en trámite e 24 foron arquivados ao realizar os titulares as tarefas de limpeza esixidas
Destes últimos, concretan desde o consistorio, 46 continúan en trámite mentras que 24 foron arquivados tras comprobarse que os titulares realizaran as labores requeridas.
Ademais, o concello asumiu a execución subsidaria das tarefas de limpeza en cinco parcelas cuxos titulares non puideron ser localizados.
MAIOR CONCIENCIACIÓN
O concello expón que as cifras “demostran os esforzos realizados polo Concello de Viveiro” para garantir o cumprimento da lei de prevención e defensa contra os incendios forestais, tras a modificación lexislativa de decembro de 2017.
A rexedora, María Loureiro, incidiu no compromiso do goberno local malia as limitacións dos medios cos que conta para facer un “seguimento dos procedementos iniciados”
A alcaldesa engadiu que a concienciación tanto “por parte dos propietarios das parcelas coma da veciñanza” é maior desde os incendios de outubro de 2017.
Os expedientes iniciáronse a partir de denunciais veciñais e actuacións de oficio das administracións
Os expedientes incoáronse a partir de denuncias veciñais no concello -avisos informais ou escritos- ou ante a Consellería de Medio Rural e o Seprona. Tamén se iniciaron procedementos de oficio por parte de ambas administracións.
NORMATIVA
A normativa modificouse fixando as obrigas dos titulares dos terreos, que deben ter as faixas de protección desbrozadas a 31 de maio, e marcando as xestión a realizar polas administracións públicas que deben esixir o seu cumprimento.
Así, a lei establece que a administración debe enviar aos titulares unha comunicación recordándolles a obriga de limpar as parcelas e concedéndolles un prazo de entre quince días e tres meses, prorrogable en casos xustificados, para facer os traballos esixidos.
AS tarefas de desbroce e tala de arboredo deben realizarse antes do 31 de maio
En caso de incumprimento, a administración asumirá a limpeza de forma subsidiaria e poderá repercutir os custos aos propietarios. No caso de que o importe supere o valor catastral da parcela poderá iniciarse un procedemento de expropiación forzosa.
Ademais, os propietarios expóñense a seren sancionados pola Consellería de Medio Rural con multas que, en función da gravidade da infracción, oscilan entre os 100 e os 10.000 euros.
