A Xunta de Galicia intensificou o seguimento e as medidas preventivas tralo afundimento do mercante ‘Grande América‘ o pasado 12 de marzo, fronte ás costas de Francia, polo que o pasado domingo activou en fase de alerta o Plan Territorial de Contaminación Mariña Accidental de Galicia (Camgal) como medida preventiva.

En coordinación con Salvamento Marítimo do Estado, o Executivo galego realiza un seguimento “exhaustivo” da deriva da fuselaxe vertida por este barco e tomou esta decisión “atendendo ás predicións dos modelos de deriva da Prefectura Marítima do Atlántico de Francia e á meteoroloxía”.

Así mesmo, o Servizo de Gardacostas de Galicia desprazou o buque polivalente ‘Sebastián de Ocampo‘ a Celeiro, no municipio de Viveiro, “para actuar no caso de que sexa necesario”.

“RESPOSTA ÁXIL”

“A finalidade deste plan é estar preparados e dar resposta de forma áxil no suposto caso de que os restos de fuel do mercante se acheguen ás costas de Galicia“, explicou o Goberno autonómico. Podes ler a información completa no Galicia Confidencial.