Suárez Barcia atribúe “á mala saña” outro lume forestal no mesmo lugar da parroquia de Ove

O incendio produciuse cerca da N-642 e da vía do tren sobre as sete da tarde e quedou exinto unha hora despois

Lume en Ove (arquivo). AXM

O alcalde de Ribadeo, o nacionalista Fernando Suárez Barcia, atribuíu a pirómanos o lume forestal deste martes na parroquia de Ove.

O lume, que se produciu sobre as sete da tarde á beira da estrada N-640, preto da vía do tren de Feve, quedou extinto arredor das oito trala intervención de Protección Civil, a Brigada Contraincendios, Policía Local e Garda Civil.

Segundo confirmaron fontes de Protección Civil, o incendio produciuse no mesmo lugar no que se orixinaron lumes outras veces. Esta circunstancia levou ao rexedor a denunciar a través das redes sociais que se tratou dun feito intencionado.

“MISERIA MORAL”

Ambiente cálido e vento do sur. A mala saña volve ás andadas, vergoña e miseria moral de quen anda provocando tanto mal. Non pasou nada porque o traballo das forzas de seguridade e servizos de emerxencias foi dilixente e impecable, pero non quita que nunha destas se vaia todo das mans. O lume chegou a escasos metros da vía do Feve”, lamentou Suárez Barcia.

RESPOSTAR

Please enter your comment!
Please enter your name here