InicioM.ambiente e PatrimonioDenuncian á Xunta por danar cunha queima non autorizada un petróglifo de...

Denuncian á Xunta por danar cunha queima non autorizada un petróglifo de Ourol

Mariña Patrimonio e Adega acusan ao Goberno galego de prexudicar o xacemento de Chao de Sinás, no Xistral, cun lume controlado que non contaba con permiso de Patrimonio

Publicada o

- Advertisement -

A Asociación Para a Defensa Ecolóxica de Galicia (Adega) e Mariña Patrimonio (MP) denunciaron ante o Servizo de Protección da Natureza (Seprona) á Xunta de Galicia por posibles danos nun petroglifo situado no Chao de Sinás (Ourol), na Serra do Xistral.

Segundo explican os colectivos, estes danos serían ocasionados polo Goberno galego “ao realizar a comezos de ano unha queima controlada do mato que cubría unha zona arqueolóxica catalogada e protexida pola propia Xunta de Galicia. Ao parecer, este lume tería afectado especialmente o petróglifo 13”, sosteñen.

As asociacións denunciantes afirman que nin a queima nin “o paso dun tractor con desbrozadora de cadeas para controlar o lume” no xacemento contaban “coa preceptiva autorización da Consellería de Cultura”.

“DESLEIXO”

As agrupacións consideran “especialmente grave” que sexa a propia Administración autonómica quen dane o patrimonio cultural. Ademais, argumentan que “esta queima sobre un petróglifo, e nunha zona arqueolóxica protexida, é unha nova mostra do desleixo e da incompetencia da Xunta de Galicia”.

DÚAS MÁMOAS E UN DOLME

MP e Adega exponen que nesta zona arqueolóxica, a Xunta ten catalogadas trece laxes con petróglifos e dúas mámoas, unha das cales alberga o dolme da Arca de Sinás.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...