IniciosociedadeCervo, pendente de informes do Goberno e Xunta para incorporar o terreo...

Cervo, pendente de informes do Goberno e Xunta para incorporar o terreo contiguo ao Museo do Mar

O Concello someteu a información pública o informe ambiental estratéxico e agarda levar a pleno a modificación puntual da normativa para que a parcela lindante sexa de uso dotacional

Publicada o

- Advertisement -

O Concello de Cervo someteu no pasado mes de xuño a información pública o informe ambiental estratéxico para a ampliación do Museo do Mar de San Cibrao.

O goberno local asegura que está “á espera” dos informes dos organismos estatais e autonómicos pertinentes –Ministerio de Fomento, Costas do Estado e servizo de Costas da Xunta de Galicia– “para levar a pleno a aprobación da modificación puntual das normas subsidiarias de planeamento municipal”, indica o rexedor, o popular Alfonso Villares.

Esta modificación afectaría ao actual edificio e tamén a unha edificación privada empregada antigamente como vivenda.

Nestes terreos nos que se prevé o aumento do Museo, cunha superficie total de 2.568 metros cadrados, son actualmente de ordenanza residencial mixta -espazo destinado xeralmente á vivenda e usos complementarios-. O cambio na normativa permitirá o seu uso dotacional -propio de parcelas de ordenación aberta, para servizos de interese público-.

A modificación permitiría así incorporar o terreo contiguo para ampliar a parcela da pinacoteca, que é de titularidade provincial.

MATERIAL POR EXPOÑER

Villares sostén que a ampliación do museo “é un obxectivo prioritario” do Concello e argumenta que “estamos a dar os pasos precisos para incorporar o terreo contiguo, para mellorar así a calidade e a funcionalidade desta dotación cultural e que se poida poñer a disposición da veciñanza todo o material que atesoura”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...