InicioM.ambiente e PatrimonioA necropsia confirma que a balea atopada en Foz morreu por un...

A necropsia confirma que a balea atopada en Foz morreu por un palangre que case seccionou a cola

Os biólogos da Cemma precisan que a lesión provocada polo aparello de pesca impediulle ao rorcual alibranco que varou en Llas poder nadar e alimentarse

Publicada o

- Advertisement -

A necropsia realizada polos técnicos da Coordinadora para o Estudo dos Mamíferos Mariños (Cemma) ao cadáver da balea alibranca que varou o pasado domingo na praia de Llas, en Foz, confirmou a hipótese principal, que o varamento e a morte do animal se deberon á lesión provocada por un palangre que se engrellou na aleta caudal do cetáceo ata case seccionala.

Deste xeito, o aparello de pesca impediulle ao animal, un exemplar xuvenil de cinco metros de lonxitude, nadar con normalidade e tamén alimentarse.

O caso é pouco habitual, sinala Alfredo López, biólogo da Cemma, porque o normal é que cando se dan estas circunstancias, os cetáceos perezan en alta mar. Sobre a incidencia do aparello, o técnico expón que “calquera actividade pesqueira vai ter unhas consecuencias na flota mariña”, aínda que admite que son necesarios “medios” para investigacións que axuden a “tomar medidas para minimizar ese impacto no futuro”.

“AUMENTO ESPECTACULAR” DOS VARAMENTOS

A cantidade de varamentos -non só de cetáceos, senón tamén de tartarugas ou quenllas- neste 2019 preocupa aos científicos, pois déronse máis casos en nove meses -un total de 350- ca no promedio de exercicios anteriores, de 265.

Esta documentación recóllese “con criterios que son sempre os mesmos”, polo que López fala dun “aumento espectacular” que, por agora, os biólogos traballan para comprender.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...