InicioM.ambiente e PatrimonioMondoñedo acolle unha xornada sobre o Pacto dos Alcaldes polo Clima e...

Mondoñedo acolle unha xornada sobre o Pacto dos Alcaldes polo Clima e a Enerxía

Gobernos locais do norte de Galicia participaron no encontro, no que se explicou unha iniciativa que pretende que os Concellos asuman os obxectivos da UE na materia

Publicada o

- Advertisement -

Mondoñedo acolleu este martes unha xornada de presentación e seguimento do Pacto dos Alcaldes polo Clima e a Enerxía na que participaron arredor dunha trintena de representantes dos gobernos locais da Mariña Lucense, doutras comarcas da provincia de Lugo e de Ferrolterra.

A directora xeral de Calidade Ambiental e Cambio Climático da Consellería de Medio Ambiente, Territorio e Vivenda, María Cruz Ferreira Costa, explicou esta iniciativa, iniciada en 2008 e á que se sumaron boa parte dos municipios mariñaos, co compromiso de alcanzaren os obxectivos da Unión Europea (UE) en materia de clima e enerxía. A Xunta de Galicia ofrece asesoramento para acadar estes propósitos.

Para traducir o seu compromiso político en medidas e proxectos prácticos, os signatarios do Pacto comprométense a presentar, nos dous anos seguintes á data da decisión do seu concello, un Plan de Acción para o Clima e Enerxía Sustentable (PACES) que describe as accións chave que se pretenden realizar. O plan incluirá un inventario de emisións de referencia para monitorear as accións de mitigación e unha avaliación de riscos e vulnerabilidades climáticos. A promoción dunha recollida do lixo selectiva é outra das premisas.

Por unha banda, búscanse reducir alomenos nun 40% as emisións de CO2 no horizonte do ano 2030, por medio de medidas de eficiencia enerxética e dun maior uso de fontes de enerxía renovable.

IMPACTOS DO CAMBIO CLIMÁTICO

Doutra banda, trátase de minimizar o posible impacto do cambio climático nos concellos. Semanas atrás, a organización Climate Central plantexaba un mapa interactivo de zonas en risco de inundación para 2050, entre as que estaban o núcleo urbán que forman Viveiro, Celeiro e Covas, O Vicedo ou San Cibrao. Outro estudo prevé unha rebaixa significativa da produción do parque eólico do Cadramón.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...