A Asociación Cultural Irmandade Santo Estevo de Barreiros e Mariña Patrimonio, en colaboración co Concello de Barreiros e a Área de Cultura da Deputación de Lugo, organizarán para o próximo 14 de febreiro a conferencia ‘Santo Estevo do Ermo. Unha xeografía mítica e sagrada‘.
O relatorio, que será impartido polo antropólogo Rafael Quintía, terá lugar ás 20.00 horas no centro social de San Cosme de Barreiros.
Quintía, natural de Vigo, foi membro fundador e presidente da Sociedade Antropolóxica Galega (Saga) e vicepresidente da Asociación Galega de Antropoloxía Social e Cultural (Agantro). Ten realizados varios traballos sobre o patrimonio inmaterial galego, afondando nas lendas e tradicións da xeografía galega.
