Científicos avisan de que, “a longo prazo, o abandono dos usos tradicionais conduce a unha simplificación e homoxeneización do mosaico da paisaxe rural, asociado a unha diminución da biodiversidade e un aumento do risco de incendios”. Galicia conta con máis de 3.312 comunidades de montes veciñais en man común que abarcan a cuarta parte do territorio e case a metade da superficie arborada. Entre elas, 56 na Mariña Lucense, ocupando un total de 20.151 hectáreas.

As 3.312 comunidades de montes veciñais en man común galegas atenden dunhas 665.000 hectáreas. Estamos ante un caso singular en España, onde esta forma de xestión comunitaria dos montes forma parte do acervo cultural dos galegos; unha tradición que garante a conservación da biodiversidade. Podes ler a reportaxe completa no Galicia Confidencial.