InicioM.ambiente e PatrimonioAs aves mortas ou feridas por un posible "sentinazo" chegan ao Occidente...

As aves mortas ou feridas por un posible “sentinazo” chegan ao Occidente de Asturias

Araos ou gaivotas apareceron mortas e feridas nas praias do litoral asturiano, ao igual que aconteceu nos últimos días na Mariña Lucense e no resto da costa galega

Publicada o

- Advertisement -

A Coordinadora Ecoloxista d’Asturies denunciou este luns a través dun comunicado que nos últimos días comezaron a documentarse aves abeiradas tamén nas praias do occidente de Asturias, tal e como ocorreu na Mariña Lucense e en practicamente todo o litoral galego, o que asociacións como Adega ou Cemma atribuíron a un posible “sentinazo”.

O colectivo alerta de que algunhas das aves atopadas “estaban mortas, pero outras aínda con vida. Trátase de fradeciños atlánticos, araos comúns, alcatraces atlánticos e gaivotas cabecinegras, entre outras especies de aves mariñas”, expón.

As aves apareceron “manchadas de petróleo. Todo apunta unha vez máis, e xa perdemos a conta do número de veces que isto ocorre, a un vertido provocado pola limpeza dos tanques ou das sentinas dun dos centos de barcos mercantes que a diario navegan fronte ás costas galegas, un ‘sentinazo'”, asegura a Coordinadora. “O problema é recurrente, cando non é un vertido intencionado é un accidente pero cada poucos anos atopámonos con esta lamentable situación na nosa costa”, concluíu.

Deste xeito, reclama ao Principado de Asturias que “poña en marcha un centro de recuperación de especies mariñas (non só de aves) como os existentes noutras comunidades autónomas. Malia que cada vez que ocorre un destes episodios, sucédense declaracións e promesas de posta en marcha dun destes centros por parte da Administración do Principado, levamos anos demandándoo”, lembra.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...