InicioM.ambiente e PatrimonioTapia e Castropol acordan a limpeza conxunta das praias

Tapia e Castropol acordan a limpeza conxunta das praias

Os dous concellos acondicionarán 17 areais logo que que Cogersa suspendese o servizo

Publicada o

- Advertisement -

Os concellos de Castropol e Tapia de Casariego asinaron un acordo de colaboración para limpar as praias este verán, tras quedar sen o servizo de limpeza que prestaba Compañía para la Gestión de los Residuos Sólidos en Asturias, Sociedad Anónima (Cogersa) a nivel rexional. Os consistorios investirán un total de 24.000 euros nos traballos de limpeza e mantemento dos seus areais na temporada estival, entre os meses de xuño e setembro.

Tapia achegará ao fondo común 14.400 euros, o 60 por cento do importe, ao contar con máis superficie de costa. Castropol aprobou a posta en marcha do plan conxunto no pleno do pasado 14 de maio. Segundo se establece no acordo, os dous municipios compartirán a maquinaria, aínda que contratarán as tarefas manuais de forma independente.

O MUNICIPIO TAPIEGO ACHEGARÁ O 60% DO IMPORTE AO CONTAR CON MÁIS SUPERFICIE

O dispositivo asumirá as tarefas de limpeza e mantemento en 17 areais, desde a Praia de Arnau, en Castropol, ata a Praia de Represas, en Tapia de Casariego.

Os concellos optaron por esta fórmula de colaboración despois de que Cogersa, que ata agora realizaba estes traballos nos areais de todo o Principado de Asturias sen custe adicional para os concellos, deixara de prestar o servizo. O Goberno autonómico comprometeuse a habilitar unha liña de subvencións de 360.000 euros a repartir entre os 18 municipios que teñen que asumir estas tarefas de limpeza este verán.

NO 2019, CAMBIO NOS ESTATUTOS

De cara ao vindeiro ano, o Consorcio público para a xestión de residuos –do que forman parte o Principado e mais os concellos- prevé un cambio dos estatutos que permita volver realizar a limpeza dos areais. A restitución do servizo suporá, en calquera caso, unha carga maior para os concellos, como sinalou o alcalde de Castropol, o socialista Jose Ángel Pérez, en declaracións a Onda Radio Televisión.

Informa Vanesa Gómez Lourido.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...