InicioM.ambiente e PatrimonioO paleolítico da Mariña Lucense exporase en Cervo

O paleolítico da Mariña Lucense exporase en Cervo

Fervenza de Sargadelos e Mariña Patrimonio mostrarán do 16 ao 30 de novembro no consistorio cervense útiles da cultura material da época atopados na bisbarra

Publicada o

- Advertisement -

As asociacións Fervenza de Sargadelos e Mariña Patrimonio organizan unha exposición en Cervo con motivo do Día Internacional do Patrimonio Mundial, que se celebra o vindeiro venres, 16 de novembro.

As agrupacións exporán no consistorio cervense útiles do paleolítico achados nos últimos anos de forma casual en distintos lugares da Mariña Lucense.

A mostra poderase visitar do 16 ao 30 de novembro, de luns a venres en horario matinal, de 9.00 a 14.00 horas.

Rematada a exposición, as pezas serán depositadas no Museo Arqueolóxico de Vilalba, seguindo as directrices da Dirección Xeral de Patrimonio.

PEDAGOXÍA

A celebración da efeméride inclúe tamén actividades educativas. O 23 de novembro, o alumnado do IES Marqués de Sargadelos achegaranse á cultura material do paleolítico cunha charla informativa e un obradoiro de fabricación de útiles líticos.

O DÍA 23 HABERÁ ACTIVIDADES NO INSTITUTO E O DIRECTOR DO MUSEO ARQUEOLÓXICO DE VILALBA OFRECERÁ UNHA CONFERENCIA

CHARLA SOBRE OS PRIMEIROS POBOADORES

Ese mesmo día, o director do Museo Arqueolóxico de Vilalba, Eduardo Ramil Rego, impartirá unha conferencia sobre os primeiros poboadores da Mariña.

COLABORADORES

Colaboran nestas actividades o Museo Arqueolóxico de Vilalba, a Asociación de Amigos do Museo de Vilalba e o Concello de Cervo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...