InicioM.ambiente e PatrimonioOurol terá edificios eficientes e máis ecolóxicos

Ourol terá edificios eficientes e máis ecolóxicos

O Goberno colabora co consistorio ourolense para mellorar a eficiencia de varios edificios públicos.

Publicada o

- Advertisement -

A subdelegada do Goberno, Isabel Rodríguez, e o alcalde de Ourol, José Luís Pajón, reuníronse este xoves para avaliar a marcha dos proxectos que ten en marcha o executivo local coa colaboración do Goberno de España.

A subdelegada lembrou que o Ministerio para a Transición Ecolóxica e o Reto Demográfico concedeulle a este concello axudas por importe de 142.350 euros para a rehabilitación enerxética do envolvente térmico da Casa Consistorial e Centro Social de Ourol e a mellora da eficiencia enerxética nas instalacións de climatización dos edificios da Casa Consistorial, Centro Social e Edificio Multiusos.

Pajón explicou que o apoio económico do ministerio é fundamental para que o concello poida acometer actuacións desta envergadura en materia de eficiencia enerxética, coas que, ademais de apostar polo medio ambiente, poderanse facer importantes aforros na economía municipal.

Segundo apunta a Subdelegación nun comunicado, o alcalde tamén informou de que o goberno local xa adxudicou nos últimos días os dous proxectos, que contarán cun investimento total de 150.068 euros.

A mellora da eficiencia enerxética das instalacións de climatización, mediante bomba de calor, dos edificios da Casa Consistorial, o Centro Social e o Edificio Multiusos, foi adxudicada en 96.140 euros á empresa Esqueiro S.L. e a rehabilitación enerxética do envolvente térmico da Casa Consistorial e o Centro Social, nos que se cambiará a carpintaría de xanelas e portas por outras con rotura da ponte térmica, adxudicouse en 53.928 euros á firma José Saa S.L.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...