InicioM.ambiente e PatrimonioA Asociación Cultural Francisco Lanza de Ribadeo participará na manifestación do 5...

A Asociación Cultural Francisco Lanza de Ribadeo participará na manifestación do 5 de xuño a prol dunha nova política enerxética

Tamén organizarán unha "recollida de lixo na Praia das Illas en Ribadeo para chamar a atención sobre o necesario compromiso de todos e todas nós de mantermos limpas as nosas praias ao longo do ano".

Publicada o

- Advertisement -

A Asociación Cultural Francisco Lanza participará na manifestación convocada para este domingo 5 de xuño en Santiago de Compostela a prol dunha política enerxética non especulativa. A petición desta concentración é unha política enerxética sustentable que garanta a conservación do noso patrimonio natural e paisaxístico.

Esta asociación cultural ribadense conta con cincuenta anos de historia e desde ela queren animar ás persoas “con sensibilidade ecoloxista” a participar na mobilización.

Por outra banda, tamén este domingo ás cinco da tarde, realizarán un acto con motivo do Día Mundial do Medio ambiente. Será unha “recollida de lixo na Praia das Illas en Ribadeo para chamar a atención sobre o necesario compromiso de todos e todas nós de mantermos limpas as nosas praias ao longo do ano”.

Tamén se fará unha lectura de textos de autores e autoras galegas “evocando esa necesaria conciencia recolóxica“. Para anotarse hai que enviar un correo a agrupacionfranciscolanza@gmail.com e levar un texto propio falando do tema.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...