O feminismo galego convocou protestas en doce localidades de Galicia para este venres 20 de xullo, en repulsa ao crime machista que acabou coa vida de María Judite Martins Alves, de 57 anos, degolada polo seu marido na Coruña.
As concentracións na Mariña Lucense serán en Viveiro e Ribadeo. A protesta na cidade do Landro está prevista para as 20.00 horas, na Praza da Fontenova. Na localidade ribadense, as persoas interesadas en manifestarse están convocadas ás 20.30, na Praza 8 de Marzo.
