Varias localidades da Mariña Lucense acolleron concentracións en repulsa polos asasinatos machistas dos últimos días, un deles o da lucense Clara María Expósito, veciña das Gándaras supostamente apuñalada pola súa parella sentimental, e o outro o acontecido en Granada, onde un home confesou ter matado á súa ex moza, Ana María Morillas.
En Ribadeo, na Praza 8 de marzo, houbo unha concentración o pasado luns, convocada polo Observatorio da Mariña Pola Igualdade. Ese mesmo día a Praza da Fontenova de Viveiro acolleu outra protesta.
Este martes, a entrada do consistorio de Burela e a Praza dos Campos de San Cibrao, no municipio de Cervo, foron o lugar de encontro de decenas de persoas que amosaron a súa raiba e tristura polas dúas novas vítimas da violencia de xénero.
