A Asociación de comerciantes Centro Histórico de Viveiro (CCHV) e o
Concello de Viveiro organizan o vindeiro venres a Festa dos Maios en colaboración cos colexios do municipio. Un total de 494 alumnos do colexios Lois Tobío, San Roque, Landro e Covas percorrerán as rúas de Viveiro ataviados con motivos florais e cantando cancións tradicionais.
Os rapaces sairán da Praza Maior ás 12.00 horas, percorrendo a rúa Margarita Pardo de
Cela, Avenida de Cervantes, Vilar Ponte, Almirante Chicarro, Pastor Díaz e de volta
na Praza Maior desfrutarán dun refrixerio. Estarán acompañados do grupo dos maios de Campo de Urraca.
RECUPERACIÓN
Trátase dunha festividade para recibir a primavera que se vén recuperando nos últimos anos, que se celebraba anos atrás en Viveiro e á que Concello e comerciantes queren dar continuidade. Os negocios asociados ao CCHV engalanarán as súas portas ou escaparates con motivos florais para animar as actividades.