Os Xardíns Noriega Varela de Viveiro acollerán o vindeiro 27 de xullo o festival de música electrónica Ether: An Electronic Odyssey.
A Dj e productora holandesa Lilly Palmer e o brasileiro Vinicius Honorio, apadriñado polo selo Drumcode, encabezan o cartel do evento que, na súa cuarta edición, reforza a súa oferta con “mías artistas e variedade de estilos”.
O barcelonés SPFZ, a banda revelación da escena electrónica de Madrid Blackpanda e os Djs locais Karras Martínez, Llonas e Cessabit completan o elenco.
ACTIVIDADES PARALELAS
Como novidade, os asistentes atoparán unha zona de foodtrucks e outra de picnic, coas que poderán acompañar a música cunha gastronomía variada.
A proposta do festival complétase con actividades infantís nas que se promoverá unha conduta creativa coa música electrónica como protagonista.
Tras os obradoiros, que se desenvolverán a partir das 12:00 horas, terá lugar unha sesión vermú amenizada por unha sesión de house, disco e funk a cargo de Santy Lle Funke.