InicioM.ambiente e PatrimonioCervo impulsa unha campaña de voluntariado para recoller lixo en parques, rutas...

Cervo impulsa unha campaña de voluntariado para recoller lixo en parques, rutas e espazos públicos

O xoves será a primeira das actuacións; os interesados poden anotarse por whatsapp

Publicada o

- Advertisement -

O Concello de Cervo, a través das delegacións de Medio Ambiente e de Ecoloxía, anima á veciñanza a participar na campaña de concienciación medioambiental “Coida Cervo”, cuxo eixo principal serán as xornadas de voluntariado de recollida de lixo, “pero tamén haberá charlas, coloquios, actividades prácticas, saídas de campo e campañas para incentivar a reciclaxe selectiva”, sinala o goberno local nun comunicado de prensa.

Logo dunha xornada inicial de proba e toma de contacto que tivo lugar dias atrás para identificar as diferentes zonas nas que se irá actuando, este próximo xoves, 24 de setembro, terá lugar a primeira acción comunitaria aberta ao público. Trátase dun voluntariado de recollida de residuos de dúas horas de duración –entre as 12.00 e as 14.00 horas-; e o punto de encontro será o IES Marqués de Sargadelos. A fin de ter un control do aforo e por loxística da actividade, as persoas interesadas en sumarse á actividade deberán anotarse vía whatsapp no 683.31.59.39.

ACCIÓNS “DÚAS VECES AO MES”

Esta campaña, lembra o Concello, “nace co obxectivo de poñer en valor as boas prácticas individuais no noso día a día no coidado e protección da contorna”. O programa, que terá lugar como mínimo dúas veces ao mes e que naceu para perdurar no tempo, está aberto a toda a veciñanza que desexe sumarse, e irase informando regularmente e con antelación a través das redes sociais municipais das datas, horarios e lugares nos que se irá desenvolvendo; incluíndo parques, rutas de sendeirismo e espazos públicos das zonas rurais e urbanas do Concello de Cervo.

“A Administración local subministrará todo o material necesario para o desenvolvemento da actividade como luvas e bolsas de lixo para realizar a reciclaxe selectiva dos refugallos recollidos ou chalecos reflectantes“, indica o Concello.

Esta iniciativa de concienciación ambiental tamén nos permitirá –tal e como subliñan- “reflexionar e mesmo censurar certos comportamentos incívicos que se producen con frecuencia nas nosas vilas que prexudican a toda a veciñanza e son un atentado contra o noso patrimonio natural”, conclúe o executivo municipal.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...