O Verán Xove inclúe actividades de ocio para todas as idades

O programa de ocio do Concello consta de obradoiros, torneos ou unha viaxe ao Aquapark de Cerceda

Ana Abad, Cristina Iglesias e Demetrio Salgueiro. ARQUIVO XORNAL DA MARIÑA

O Concello de Xove presentou o programa Verán Xove 2018, que abarcará todo o período estival e que consta de diversas actividades deportivas, educativas ou medioambientais.

Entre os entretementos para os nenos máis pequenos destacan os xogos pre-deportivos, que se celebrarán martes e xoves, ou o curso de pádel. Os pequenos de a partir de dez anos poderán desfrutar de obradoiros de cociña e educación vial, aeróbic ou fitness. Para os adolescentes hai programados campamentos, competicións de paint-ball e viaxes, tanto ao Aquapark de Cerceda como ao kartódromo de Tapia de Casariego.

MAIORES

Pero o programa de ocio estival que propón o Concello non só atende á xente nova. Os maiores terán tamén o seu momento. Os luns e mércores poderán exercitarse con actividades físicas. Ademais, inclúense tamén ximnasia na piscina e talleres de memoria.

O alcalde, Demetrio Salgueiro, a edil de servizos sociais, Ana Abad, e Cristina Iglesias, concelleira de deportes, presentaron o evento.

O programa completo de Verán Xove: REVISTA VERÁN XOVE 2018

RESPOSTAR

Please enter your comment!
Please enter your name here