O Xulgado de Instrución número 1 de Viveiro decretou prisión provisional comunicada e sen fianza para o detido por supostamente agredir sexualmente unha menor no municipio de Cervo.
Segundo informou o Tribunal Superior de Xustiza de Galicia este martes, o individudo está investigado por un delito de abuso sexual sobre unha menor de 16 anos. O home, veciño de Burela, foi detido pola Garda Civil o pasado luns na localidade na que reside.
Os feitos tiveron lugar a mediados do mes de agosto na localidade de Cervo durante a celebración da Queimada Popular, que tivo lugar o fin de semana do día 20. Por mor dunha denuncia presentada, a Garda Civil abriu unha investigación que culminou coa identificación deste home, maior de idade e que foi arrestado o luns.