Dentro do programa ‘Quere o teu mercado‘, impulsado pola Xunta de Galicia, o Concello de Viveiro preparou para o vindeiro sábado, 26 de maio, unha xornada festiva para reivindicar o valor do comercio local e da plaza de abastos da localidade.
O 26 será o Día Internacional dos Mercados. Para celebralo, o goberno local organizou varias actividades na praza de abastos, que poderán desfrutar tanto grandes coma pequenos. Haberá unha exhibición de cocteleiría, a cargo de Domingo González e Marcelo Continanza, do local Temple Bar.
Tamén haberá un obradoiro de ‘showcooking’, no que participarán Víctor Valenzuela, do restaurante O Muro, e Alejandro Balseiro, do Hotel Urban Viveiro.
Na xornada festiva non faltará a música, coa actuación do grupo Pindusa de Bágoas da Terra, así como da formación Sons de Viveiro.
PARA NENOS
Os máis pequenos poderán gozar dun taller de dieta mediterránea, unha xincana no mercado e da elaboración dun polbo de globoflexia.
O Concello de Viveiro agradece a colaboración das agrupacións e comercios colaboradores.
