As crianzas da escola infantil de Cervo pasaron a xornada deste domingo en compañía dos mestres e das súas familias nunha xornada familiar en Marcelle.

Percorreron  o parque guiados por varios monitores que lles explicaron como chegou ata alí cada animal, xa que todos teñen unha historia de superación detrás. A mediodía realizaron un alto no camiño para desfrutar dun picnic e logo continuaron coa visita.

Tamén gozaron dunha pequena obra de teatro sobre o respecto dos animais salvaxes que contou coa participación das familias e dos profes que puxeron voz e deron vida a diferentes personaxes, animais que viven en Marcelle.