O Concello de Cervo abre o Obradoiro de Teatro Pimpim dirixido a crianzas de entre 6 e 12 anos. A inscrición pode facerse na Casa da Cultura. As aulas impartiranse os martes e os xoves de 18:00 a 19:00 horas a partir de novembro.

Desde o Concello de Cervo levan moitos anos apostando polo teatro para as crianzas, como ferramenta pedagóxica para o seu desenvolvemento integral nesta etapa na que comeza a construír a súa propia personalidade. O teatro é unha disciplina moi completa que lles axuda a socializar, mellora a súa concentración, e tamén potencia as súas habilidades comunicativas e a súa autoestima; entre outros moitos beneficios.