“Azores somerxida” é o título desta colección inaugurada esta fin de semana composta por 22 instantáneas coidadosamente seleccionadas por Anxo Cao, biólogo e fotógrafo, veciño do noso Concello.

A rexedora, Dolores García Caramés, deulle os parabéns ao Anxo Cao por este incrible traballo  concibido durante moitos meses no mar, nos que conseguiu ser aceptado por algúns dos maiores animais mariños do mundo, no seu propio medio e tamén quixo agradecerlle a súa xenerosidade “por compartir con nós a súa paixón”.

A alcaldesa animou a toda a veciñanza e visitantes a que se acheguen a ver a mostra durante este Nadal.

Poderase visitar até o 8 de xaneiro, de luns a venres, de 9:00 a 14:00 horas e de 17:00 a 20:00 horas