Un traballador foi evacuado en helicóptero medicalizado tras resultar ferido cando traballaba cunha motosierra na parroquia de Sargadelos, no municipio de Cervo. 

Segundo informou o CIAE 112 Galicia, o accidente produciuse ás 12,40 horas deste venres, como sinalaron os profesionais de Urxencias Sanitarias de Galicia-061, que xa tiñan en marcha un operativo para a atención do ferido.

O operario sufriu un corte na perna e, a pesar de que estaba consciente, a lesión requiría a evacuación inmediata, polo que foi trasladado polo helicóptero medicalizado con base en Ourense ao centro hospitalario de referencia. Ademais do persoal sanitario, desde o 112 Galicia solicitouse a colaboración neste operativo dos membros do GES de Cervo, dos axentes da Garda Civil e de Protección Civil de Cervo.