O comité de empresa de Reymogasa decidiu, despois de celebrar unha asemblea de traballadores, aprazar a manifestación convocada para o vindeiro venres á espera de que frutifiquen as negociacións entre a auxiliar de Alcoa e a nova adxudicataria do contrato do mantemento mecánico no departamento de dixestión de alúmina.

Os sindicatos esperan que Alcoa “cumpra co acordado” e se confirme a subrogación de 65 traballadores “respectando os postos de traballo e aceptando as condicións laborais dos obreiros deste departamento”.

MOSTRA DE “BOA VONTADE”

Así, desconvocan a protesta -a única fixada por agora para os vindeiros días- como mostra “de boa vontade” de cara as negociacións.