InicioEconomíaMiñones ve marxe para o "diálogo" de cara a resolver a situación...

Miñones ve marxe para o “diálogo” de cara a resolver a situación de Alcoa

A Xunta destaca agora a "emerxencia económica e social" da planta.

Publicada o

- Advertisement -

O delegado do Goberno, José Miñones, reivindicou a “capacidade de diálogo” do Executivo central para tratar de atopar unha saída ao conflito de Alcoa na fábrica de San Cibrao, en Cervo. Pola súa banda, o vicepresidente económico, Francisco Conde, subliñou a “urxencia económica e social” para que se chegue a un acordo nas negociacións para a venda entre a multinacional e a sociedade estatal de participacións industriais (SEPI).

Miñones e Conde fixeron estas declaracións nos seus respectivos actos en Vigo, poucas horas antes de que a mesa multilateral sobre o futuro da factoría se volva reunir, este xoves ás 15,00 horas. Por unha banda, o delegado do Goberno asegurou que o Executivo central “está a demostrar unha vez máis a súa capacidade de diálogo” e apelou ao encontro para “ver que sae” da cita deste xoves.

Pola súa banda, Conde, nun “contexto de desilusión” dos traballadores, das familias e tamén da Xunta, lamentou que parece que “tanto Alcoa como o Goberno están a se botar as culpas por non seguir avanzando no proceso de venda”. “O que necesitamos son respostas, que se volva á senda do diálogo, das solucións, para que se poida producir a venda de San Cibrao”, recalcou.

“IMPULSAR A VENDA”

Neste sentido, reclamou ao Goberno que concrete “cal vai ser o seu papel a través da SEPI, que se poida contestar as demandas de información de Alcoa e que Alcoa entenda que había principios de acordo en setembro e que hai que mantelos”. A ambas as partes pediulles, así, “que volvan a esa mesa de negociación e póidase impulsar a venda”, posto que Liberty “mantén a súa posición e terá que establecer as garantías precisas para que se poida producir a operación”.

Escribes na noticia un shortcode (cos corchetes) Please wait while you are redirected...or Click Here if you do not want to wait.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...