A edil de Medio Ambiente, Mali Méndez, e a Tenente Alcalde, Dolores García Caramés, fixeron pública este xoves a preocupación do Concello de Cervo polo estado no que se atopan todas as vías de titularidade provincial que transcorren polo noso termo municipal e cuxo mantemento corresponde á Deputación, “que a día de hoxe están totalmente invadidas pola maleza”.

As concelleiras explican que, como todos os veráns, solicítanlle ao organismo provincial que leve a cabo estes traballos ““porque o estado destas vías, á marxe da mala imaxe que proxecta, supón un serio perigo para a seguridade dos peóns e do tráfico rodado”, explican.

Co inicio do verán aumeta considerble o fluxo de peóns e de vehículos. Tendo en conta isto, desde o Concello de Cervo pídenlle  á Deputación Provincial que asuma a súa responsabilidade e que acondicione estas estradas con urxencia xa que son moitos os puntos destas vías provinciais onde hai unha falta de visibilidade e espazos adecuadamente transitables.