InicioOccidentalCervoConde defende que a venda de Alcoa debería ser "inmediata": "temos catro...

Conde defende que a venda de Alcoa debería ser “inmediata”: “temos catro compradores”

Defende a necesidade dunha tarifa eléctrica máis "competitiva" para garantir o futuro da planta.

Publicada o

- Advertisement -

O vicepresidente segundo e conselleiro de Economía, Empresa e Innovación, Francisco Conde, pediu ao Goberno central que estableza un prezo eléctrico “competitivo”, “a única solución á situación de Alcoa e Alu Ibérica”, para Conde. Así se expresou o vicepresidente económico este domingo na Coruña, onde Conde asistiu á inauguración da 37 edición da Feira Mostrart.

“A solución única e real para manter os postos de traballo, pasa por un prezo eléctrico estable e competitivo, polo que levamos dous anos esperando. Así llo trasladamos á ministra de Industria, Reyes Maroto, na súa visita do pasado venres, que serviu para trasladarnos intencións pero non compromisos”, explicou Francisco Conde, que instou ao Executivo central a que asuma o liderado que lle corresponde.

Respecto da situación de Alcoa, o conselleiro de Economía lamentou que “tanto Goberno como Alcoa” sigan trasladando “declaracións de intencións”, cando o que necesitan os traballadores, e toda Galicia, é “un compromiso efectivo das dúas partes”. Ese compromiso, concretou o representante da Xunta, debe traducirse, por parte de Alcoa, facilitando un proceso de venda “real” e, por parte do Goberno, co cumprimento do seu compromiso de establecer un prezo eléctrico competitivo.

“Demóstrase por parte non só de Alcoa, senón dos compradores que queren adquirir a planta, que os prezos eléctricos son a principal limitación para proceder á venda da planta”, asegurou Conde. “Non parece razoable trasladar a venda da planta a xaneiro de 2023 cando temos catro compradores. A operación debería concretarse de forma inmediata”, comentou o vicepresidente sobre a proposta da empresa ao Goberno central pola que se compromete a non executar o ERE presentado na fundición ata, como moi cedo, o 31 de xullo de 2022.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...