Cervo comeza esta semana as Xornadas sobre o Alzheimer coa colaboración de Terramar

O programa celebrarase os meses de outubro, novembro e decembro e nelas colabora a Asociación de Xubilados Terramar.


O Concello de Cervo, a través da delegación de servicios sociais e en colaboración coa Asociación de xubilados Terramar, organiza unhas xornadas sobre o alzheimer e o envellecemento activo.

As xornadas, impartidas pola terapeuta Reyes Quelle Fra, darán comezo o próximo mércores 6 de outubro. Serán os mércores de 18h a 19h na Casa do Mar de San Cibrao e os xoves de 18h a 19h no Ecomuseo de Cervo. Os grupos, debido ás restricións de aforo terán un máximo de 10 persoas.

As xornadas gozarán de actividades interactivas e dinámicas na que se farán exercicios con música, estiramentos, exercicios de relaxación, etc. nas que tamén se incluirán novas tecnoloxías para a activación neurocognitiva.

As inscricións xa están abertas. Pódese anotar presencialmente na Casa da Cultura ou a través dos teléfonos 982595157 – Casa da Cultura – ou 982557777 – Departamento de Servicios Sociais do Concello de Cervo-.

Durante estes tres meses estarán a disposición de todos e todas dúas caixas de correos – unha na Casa da Cultura e outro no Concello de Cervo – nas que presentar dúbidas sobre o alzheimer que serán respondidas ao longo das xornadas.

RESPOSTAR

Please enter your comment!
Please enter your name here