O Concello de Cervo organizou un minuto de silencio este xoves con motivo do Día Internacional Contra a Violencia de Xénero.

A esta concentración sumáronse os usuarios da Asociación de Axuda ao Enfermo Mental A Mariña, que realizaban unha andaina reivindicativa desde a unidade residencial ata o Paseo dos Namorados.

Cada unha das persoas participantes ía ataviada cun paraugas violeta, en sinal de repulsa contra a violencia de xénero.