O concello de Cervo da por rematado o programa de enredos desta Semana Santa, que se celebrou esta semana desde luns a mércores. En total participaron 69 nenos e nenas, comprendidos entre os 3 e os 11 anos de idade, divididos por grupos entre infantil e primaria.
O luns realizaron diferentes xogos de presentación, ademais de xogos tradicionais. O martes foi a quenda para o taller de ovos de pascua, acorde a estas datas. Por último, este mércores, realizaron unha busca do tesouro.
Este programa ofrece unha alternativa lúdica aos máis pequenos da casa durante estas datas non lectivas, á vez que permite ás familias realizar conciliación familiar durante os tres días laborais desta semana.
A concelleira de educación, Dolores García Caramés, que visitou os enredos no día de onte, amosouse “agradecida e satisfeita pola gran acollida que tivo este programa, que cada edición que realizamos aumenta as súas cifras de participación”.
A edil quixo lembrar que “en Semana Santa facemos este programa durante tres días, pero en verán realizamos actividades en Enredos durante os meses de xullo e agosto”.
CONCERTOS
O ciclo de concertos A Caixa de Música continúa coa actuación do grupo “La Disquetera”, este 14 de abril na Praza do Souto ás 13:30H.
Tamén o ciclo O Son do Nordeste ofrecerá o concerto dos “Carunchos”. Será o vindeiro venres 15 de abril, ás 21:30H, na Praza dos Campos.
