O Concello de Cervo anunciou que esta semana arrincaron as Noites Alternativas con volei praia no Torno como primeira actividade. Desde o consistorio apuntan a gran acollida desta actividade; xa que participan unha vintena de equipos que compiten nas categorías SUB-12, SUB-17 e sénior.

Xa están en marcha tamén os Enredos de Verán, que terán lugar os luns e mércores de xullo e agosto, en horario de mañá (ás 12:30 horas); cunha completa axenda de actividades pensadas para as crianzas. Na foto, un obradoiro de cartón, que tivo lugar na Casa do Mar e que foi a primeira actividade que se desenvolveu con gran éxito.