O Clube de Atletismo Maderas Barcia presentarase oficialmente o día 13 de outubro nas pistas de atletismo en San Cibrao, Cervo. O clube xa realizou a súa constitución como tal o día 14 de setembro de 2022.
Este xoves o clube realizou a súa primeira fotografía institucional xunto ao alcalde de Cervo, Alfosno Villares e co concelleiro de Deportes, David Rodríguez.
Será o vindeiro xoves 13 de outubro cando fagan a foto de presentación oficial con todo o equipo, nas pistas de atletismo de San Cibrao ás 19 horas.
A idea central do Maderas Barcia é fomentar o Atletismo en exclusiva para os nenos, rapaces e adultos da comarca. A primeira directiva está formada por Patricia Calvo como presidenta, Rubén García como secretario, Jesús Baltar como tesoureiro, e como vocais Roberto González e Juan Luís Méndez.
De momento os adestramentos para iniciación serán os martes e xoves de 16,15 a 17,15 nas pistas de atletismo de San Cibrao.
Para máis info, no correo maderasbarciacervo@gmail.com ou no teléfono 686586000. Todos aqueles que vos queirades sumar ó proxecto podedes facelo no seguinte enlace:
https://docs.google.com/forms/d/e/1FAIpQLSdZ84maNeoTixUC-jL_aGWRAUBzWmwvTws4jXA-gy8a_PvRrA/viewform
