Cervo estrea en Lieiro un novo espazo para alimentar os gatos da rúa por persoas autorizadas

A medida foi consensuada coa Asociación Protectora de Animais Coletiñas “buscando unha solución para reubicar a colonia que hai na zona para evitar problemas de convivencia no barrio”.

Alfonso Villares, a edil de Medio Ambiente, Mali Méndez, e as integrantes de Coletiñas, Irene Díaz e Samantha Sandomingo, no lugar onde se instalou o punto de alimentación para os gatos, na zona da Galiñeira.

O Concello de Cervo, en coordinación coa Protectora de Animais Coletiñas, vén de habilitar un espazo para que as persoas autorizadas –neste caso as persoas que integran a protectora- alimenten á colonia de gatos que hai na zona da Galiñeira, en Lieiro.

Villares explicou que esta foi a solución que buscamos, en consenso con Coletiñas, para “tentar reubicar esa colonia nun lugar afastado das vivendas, para tentar así evitar problemas de convivencia no barrio”.

Desde o Concello de Cervo, fan un chamamento á colaboración veciñal para que se respecte este sistema de alimentación establecido pola protectora, “porque é a forma de conseguir un equilibrio na convivencia”.

RESPOSTAR

Please enter your comment!
Please enter your name here